Azken aldian Tolosako merkatuan egon bazera ezagutuko duzu “Lurretik sukaldera” postuko sukaldea. Bertan, larunbatero pintxo ezberdin bat eskeintzen dugu 2,5€-ren truke. Honen helburua bertako ekoizleen produktuak sustatzea da. Diametro200eko Josebak hartu du sukalde honen zartagia eta berekin egon ginen aurreko asteburu eguzkitsuan. Aste hontan azalore krema, hirugiarra kurruskari eta baserriko arraultzaz osaturik zegoen pintxoa.
Benetan atsegin dugu baserritarrekin harremana mantentzea eta haien produktuen berri jakitean. Gure ustez garrantzi handia dauka merkatu hauek sustatzea, herriko jendea biltzeko puntu garrantzitsua baita. Ekoizle hauen produktuak erostea bizi modu eta produkzio tradizionalen apustua egitea da. Beraz, bertan erosten duzuen guztiok harro sentitu ahal zarete.
¿Zer prestatuko du Josebak hurrengo astean? Auskalo! Tolosako merkatura hurbildu eta jakingo duzue. Gu behintzat bueltatuko gara, babarrunak erostea ahaztu zitzaigun eta!. Hona hemen argazki erreportaia:
